Иван Сергеевич Тургенев – рус ёзувчиси, табиат манзараларини, ҳодисаларини, инсон қалби ва табиатини моҳирона тасвирлаган сўз рассоми. «Муму» асарида соқов Герасим ўзи бегона хонадонда хизмат қилгани ҳолда кичкина кучукчани боқиб олади. Аммо бой хотин уни сиғдирмайди. Хизматкорга кучукни сувга чўктиришни буюради. Герасим ўзи парвариш қилган жониворни сувга чўктирадими ёки йўқми, буни ҳикояни ўқиш давомида билиб оласиз. Мазкур китобдан И. Тургеневнинг «Бежин ўтлоғи» ҳикояси ҳам ўрин олган. Сизга тенгдош бўлган ўсмир йигитлар тун қўйнида, олов атрофида бир-бирларига қизиқарли, даҳшатли ва қўрқинчли воқеаларни гапириб берадилар. Рус тилидан Йўлдош Шамшаров, Мадамин Иброҳимов таржимаси