Кўчада дўстингиз билан кетаётганингизда яна бошқа танишингизни учратиб қолсангиз, уларни бир-бири билан таништириб қўйишингиз шарт эмас. Аммо дўстингиз билан гаплашмоқчи бўлиб тўхтасангиз ва суҳбат бир неча вақт давом этса, уларни бир-бири билан таништиришингизга тўғри келади. «Жамоат этикети ёхуд уддабуронлар имиджи» китоби юқоридаги вазиятларга дуч келганингизда сизга жуда асқотади. Шунингдек, китоб одамлар ўртасида муносабат ўрнатиш тартиби, жамоат жойларида одоб-ахлоқ қоидалари ва ишбилармонлар этикети, раҳбар ва ходим муносабатидаги мутаносиблик, ресторан, офис, ишхонада аёл ва эркак муносабатларига ҳам бағишланиб, китобдаги ишнинг кўзини биладиган уддабуронларга хос этикет карьера қилишингизга ёрдам беради…