1999 йил 16 февраль куни Тошкентда портлатишлар содир этилди. Бу террористик ҳаракатнинг моҳияти нимада деган саволга жавоб олиш учун Ўзбекистон Республикаси Фан ва техника комитетининг гранти бўйича «Ташқи ва ички мафкуравий ва ғоявий курашнинг тарихий илдизлари» мавзусида 3 қисмдан иборат илмий тадқиқот ишлари олиб борилди. Ушбу китоб тадқиқотнинг биринчи қисми сифатида Ўзбекистондаги вазият, хориждаги «Миллий Туркистон Бирлик Қўмитаси» ҳақида бўлиб унинг раҳбарларидан Вали Қаюмхон, Боймирза Ҳайит ва бошқаларнинг 1953–1985 йилларда Зуҳуриддин Туркистонийга ёзган хатларининг асл матнлари илова қилинмоқда. Ушбу хатларнинг мазмунидан уларнинг ҳақиқий сиёсий ҳаракатлари намоён бўлади. Мазкур китоб давлат арбоблари, ташқи ишлар вазирлиги, сиёсий партиялар ходимларига ва тарихчиларга хизматда фойдаланиш учун мўлжалланган.